ਆਪਣੇ ਸਭ ਤੋਂ ਵੱਡੇ ਨਿਵੇਸ਼ ਨੂੰ ਆਫ਼ਤਾਂ ਤੋਂ ਬਚਾਓ
ਜ਼ਿਆਦਾਤਰ ਪਰਿਵਾਰਾਂ ਲਈ ਘਰ ਉਹ ਸੰਪਤੀ ਹੁੰਦੀ ਹੈ ਜਿਸ ‘ਤੇ ਜੀਵਨ ਭਰ ਦੀ ਕਮਾਈ ਲੱਗੀ ਹੁੰਦੀ ਹੈ। ਲੋਕ ਕਾਰ, ਸਿਹਤ ਅਤੇ ਜੀਵਨ ਬੀਮਾ ਤਾਂ ਕਰਵਾ ਲੈਂਦੇ ਹਨ, ਪਰ ਘਰ ਦਾ ਬੀਮਾ ਅਕਸਰ ਨਜ਼ਰਅੰਦਾਜ਼ ਕਰ ਦਿੱਤਾ ਜਾਂਦਾ ਹੈ। ਅੱਜ ਦੇ ਸਮੇਂ ਵਿੱਚ ਵਧ ਰਹੀਆਂ ਕੁਦਰਤੀ ਆਫ਼ਤਾਂ ਜਿਵੇਂ ਕਿ ਹੜ੍ਹ, ਤੂਫ਼ਾਨ, ਭਾਰੀ ਮੀਂਹ ਅਤੇ ਅੱਗ ਦੀਆਂ ਘਟਨਾਵਾਂ ਨੂੰ ਦੇਖਦੇ ਹੋਏ ਹੋਮ ਇੰਸ਼ੋਰੈਂਸ ਦੀ ਮਹੱਤਤਾ ਕਾਫ਼ੀ ਵਧ ਗਈ ਹੈ।
ਹੋਮ ਇੰਸ਼ੋਰੈਂਸ ਕੀ ਕਵਰ ਕਰਦੀ ਹੈ?
ਇੱਕ ਸਟੈਂਡਰਡ ਹੋਮ ਇੰਸ਼ੋਰੈਂਸ ਪਾਲਿਸੀ ਘਰ ਨੂੰ ਕਈ ਤਰ੍ਹਾਂ ਦੇ ਖ਼ਤਰਿਆਂ ਤੋਂ ਸੁਰੱਖਿਆ ਪ੍ਰਦਾਨ ਕਰਦੀ ਹੈ। ਇਸ ਵਿੱਚ ਅੱਗ, ਬਿਜਲੀ ਡਿੱਗਣਾ, ਹੜ੍ਹ, ਤੂਫ਼ਾਨ, ਸਾਈਕਲੋਨ, ਭੂਚਾਲ, ਸੁਨਾਮੀ, ਭੂ-ਸਖਲਨ ਅਤੇ ਹੋਰ ਕੁਦਰਤੀ ਆਫ਼ਤਾਂ ਨਾਲ ਹੋਣ ਵਾਲੇ ਨੁਕਸਾਨ ਸ਼ਾਮਲ ਹੁੰਦੇ ਹਨ। ਇਸ ਤੋਂ ਇਲਾਵਾ ਦੰਗੇ, ਤੋੜਫੋੜ, ਵਾਹਨ ਦੀ ਟੱਕਰ ਜਾਂ ਪਾਣੀ ਦੀ ਟੈਂਕੀ ਫੱਟਣ ਨਾਲ ਹੋਏ ਨੁਕਸਾਨ ਵੀ ਕਵਰ ਕੀਤੇ ਜਾਂਦੇ ਹਨ।
ਘਰ ਦੀ ਬਣਤਰ ਲਈ ਕਵਰੇਜ
ਹੋਮ ਬਿਲਡਿੰਗ ਕਵਰ ਘਰ ਦੀਆਂ ਕੰਧਾਂ, ਛੱਤ, ਫਰਸ਼ ਅਤੇ ਹੋਰ ਸਥਾਈ ਢਾਂਚਿਆਂ ਦੀ ਸੁਰੱਖਿਆ ਕਰਦਾ ਹੈ। ਜੇਕਰ ਕਿਸੇ ਆਫ਼ਤ ਕਾਰਨ ਘਰ ਨੂੰ ਨੁਕਸਾਨ ਪਹੁੰਚਦਾ ਹੈ ਤਾਂ ਇੰਸ਼ੋਰੈਂਸ ਕੰਪਨੀ ਮੁਰੰਮਤ ਜਾਂ ਮੁੜ ਨਿਰਮਾਣ ਦਾ ਖਰਚਾ ਭਰਨ ਵਿੱਚ ਮਦਦ ਕਰਦੀ ਹੈ।
ਘਰੇਲੂ ਸਮਾਨ ਦੀ ਸੁਰੱਖਿਆ
ਹੋਮ ਕਨਟੈਂਟ ਕਵਰ ਘਰ ਦੇ ਅੰਦਰ ਮੌਜੂਦ ਸਮਾਨ ਜਿਵੇਂ ਫਰਨੀਚਰ, ਇਲੈਕਟ੍ਰਾਨਿਕ ਉਪਕਰਣ, ਘਰੇਲੂ ਸਾਮਾਨ ਅਤੇ ਕੀਮਤੀ ਚੀਜ਼ਾਂ ਦੀ ਸੁਰੱਖਿਆ ਕਰਦਾ ਹੈ। ਕਈ ਕੰਪਨੀਆਂ ਗਹਿਣਿਆਂ, ਪੇਂਟਿੰਗਾਂ ਅਤੇ ਹੋਰ ਕੀਮਤੀ ਵਸਤੂਆਂ ਲਈ ਵਾਧੂ ਕਵਰੇਜ ਵੀ ਦਿੰਦੀਆਂ ਹਨ।
ਵਾਧੂ ਲਾਭ
ਕੁਝ ਹੋਮ ਇੰਸ਼ੋਰੈਂਸ ਪਾਲਿਸੀਆਂ ਵਿੱਚ ਆਫ਼ਤ ਦੇ ਬਾਅਦ ਅਸਥਾਈ ਰਿਹਾਇਸ਼, ਕਿਰਾਏ ਦੀ ਭਰਪਾਈ, ਮਲਬਾ ਹਟਾਉਣ ਦਾ ਖਰਚਾ ਅਤੇ ਐਮਰਜੈਂਸੀ ਖਰੀਦਦਾਰੀ ਵਰਗੇ ਲਾਭ ਵੀ ਸ਼ਾਮਲ ਹੁੰਦੇ ਹਨ।
ਕੀ ਕਵਰ ਨਹੀਂ ਹੁੰਦਾ?
ਯੁੱਧ, ਪਰਮਾਣੂ ਖ਼ਤਰੇ, ਰੇਡੀਓਐਕਟਿਵ ਪ੍ਰਦੂਸ਼ਣ, ਆਮ ਘਸਾਈ ਅਤੇ ਬਾਜ਼ਾਰੀ ਕੀਮਤ ਵਿੱਚ ਕਮੀ ਵਰਗੇ ਨੁਕਸਾਨ ਆਮ ਤੌਰ ‘ਤੇ ਪਾਲਿਸੀ ਦੇ ਦਾਇਰੇ ਤੋਂ ਬਾਹਰ ਹੁੰਦੇ ਹਨ। ਇਸ ਲਈ ਪਾਲਿਸੀ ਖਰੀਦਣ ਤੋਂ ਪਹਿਲਾਂ ਨਿਯਮ ਅਤੇ ਸ਼ਰਤਾਂ ਧਿਆਨ ਨਾਲ ਪੜ੍ਹਨੀਆਂ ਚਾਹੀਦੀਆਂ ਹਨ।
ਅੱਜ ਦੇ ਸਮੇਂ ਵਿੱਚ ਹੋਮ ਇੰਸ਼ੋਰੈਂਸ ਕਿਉਂ ਜ਼ਰੂਰੀ ਹੈ?
ਭਾਰਤ ਵਿੱਚ ਹੜ੍ਹਾਂ, ਭਾਰੀ ਮੀਂਹ ਅਤੇ ਤੂਫ਼ਾਨਾਂ ਦੀਆਂ ਘਟਨਾਵਾਂ ਵਧ ਰਹੀਆਂ ਹਨ। ਅਜਿਹੇ ਸਮੇਂ ਵਿੱਚ ਹੋਮ ਇੰਸ਼ੋਰੈਂਸ ਵਿੱਤੀ ਸੁਰੱਖਿਆ ਪ੍ਰਦਾਨ ਕਰਦੀ ਹੈ ਅਤੇ ਵੱਡੇ ਨੁਕਸਾਨ ਤੋਂ ਬਚਾਉਂਦੀ ਹੈ। ਮਾਹਿਰਾਂ ਦਾ ਮੰਨਣਾ ਹੈ ਕਿ ਹਰ ਘਰ ਮਾਲਕ ਨੂੰ ਆਪਣੇ ਘਰ ਦੀ ਮੁੜ-ਨਿਰਮਾਣ ਲਾਗਤ ਦੇ ਅਨੁਸਾਰ ਯੋਗ ਕਵਰੇਜ ਲੈਣੀ ਚਾਹੀਦੀ ਹੈ।
ਨਿਸ਼ਕਰਸ਼
ਘਰ ਸਿਰਫ਼ ਇੱਕ ਇਮਾਰਤ ਨਹੀਂ, ਸਗੋਂ ਪਰਿਵਾਰ ਦੀਆਂ ਯਾਦਾਂ ਅਤੇ ਭਵਿੱਖ ਦੀ ਸੁਰੱਖਿਆ ਦਾ ਪ੍ਰਤੀਕ ਹੋੁੰਦਾ ਹੈ। ਇੱਕ ਵਧੀਆ ਹੋਮ ਇੰਸ਼ੋਰੈਂਸ ਪਾਲਿਸੀ ਅੱਗ, ਹੜ੍ਹ, ਤੂਫ਼ਾਨ ਅਤੇ ਹੋਰ ਆਫ਼ਤਾਂ ਤੋਂ ਵਿੱਤੀ ਸੁਰੱਖਿਆ ਦੇ ਕੇ ਮਨ ਦੀ ਸ਼ਾਂਤੀ ਪ੍ਰਦਾਨ ਕਰਦੀ ਹੈ।
