ਉੱਤਰ-ਪੂਰਬੀ ਭਾਰਤ ਦੀ ਖ਼ੂਬਸੂਰਤੀ ਦੀ ਪੜਚੋਲ
ਕੁਦਰਤ ਦੀ ਗੋਦ ਵਿੱਚ ਵਸੇ ਉੱਤਰ-ਪੂਰਬੀ ਭਾਰਤ ਦੀ ਯਾਤਰਾ ਕਰਨਾ ਹਰ ਯਾਤਰੀ ਦਾ ਸੁਪਨਾ ਹੁੰਦਾ ਹੈ। ਜੇਕਰ ਤੁਸੀਂ ਘੱਟ ਬਜਟ ਵਿੱਚ ਹਰੇ-ਭਰੇ ਪਹਾੜਾਂ, ਖ਼ੂਬਸੂਰਤ ਝਰਨਿਆਂ ਅਤੇ ਜੰਗਲੀ ਜੀਵਾਂ ਦਾ ਦੀਦਾਰ ਕਰਨਾ ਚਾਹੁੰਦੇ ਹੋ, ਤਾਂ 7 ਦਿਨਾਂ ਦਾ ਇਹ ਟੂਰ ਪੈਕਜ ਤੁਹਾਡੇ ਲਈ ਬਹੁਤ ਵਧੀਆ ਵਿਕਲਪ ਹੈ। ਇਹ ਯਾਤਰਾ ਪੈਕਜ ਮੇਘਾਲਿਆ ਦੀਆਂ ਵਾਦੀਆਂ ਅਤੇ ਆਸਾਮ ਦੇ ਪ੍ਰਸਿੱਧ ਜੰਗਲਾਂ ਨੂੰ ਇੱਕੋ ਸਫ਼ਰ ਵਿੱਚ ਜੋੜਦਾ ਹੈ।
ਯਾਤਰਾ ਦੇ ਮੁੱਖ ਪੁਆਇੰਟ ਅਤੇ ਖਰਚਾ
ਆਈ.ਆਰ.ਸੀ.ਟੀ.ਸੀ. ਅਤੇ ਹੋਰ ਟੂਰ ਆਪਰੇਟਰਾਂ ਵੱਲੋਂ 6 ਰਾਤਾਂ ਅਤੇ 7 ਦਿਨਾਂ ਦਾ ਇਹ ਸਪੈਸ਼ਲ ਪੈਕਜ ਲਗਭਗ 55,500 ਰੁਪਏ ਪ੍ਰਤੀ ਵਿਅਕਤੀ ਦੀ ਸ਼ੁਰੂਆਤੀ ਕੀਮਤ ਨਾਲ ਉਪਲਬਧ ਕਰਵਾਇਆ ਜਾਂਦਾ ਹੈl। ਇਸ ਪੈਕਜ ਵਿੱਚ ਸ਼ਿਲਾਂਗ, ਚੇਰਰਾਪੂੰਜੀ, ਮਾਵਲਿਨਨੋਂਗ ਅਤੇ ਕਾਜ਼ੀਰੰਗਾ ਨੈਸ਼ਨਲ ਪਾਰਕ ਵਰਗੀਆਂ ਖ਼ੂਬਸੂਰਤ ਥਾਵਾਂ ਨੂੰ ਕਵਰ ਕੀਤਾ ਜਾਂਦਾ ਹੈ। ਇਸ ਨਾਲ ਯਾਤਰੀਆਂ ਨੂੰ ਬਿਨਾਂ ਕਿਸੇ ਪ੍ਰੇਸ਼ਾਨੀ ਦੇ ਵਧੀਆ ਘੁੰਮਣ ਦਾ ਮੌਕਾ ਮਿਲਦਾ ਹੈ।
ਬਜਟ ਨੂੰ ਕਿਵੇਂ ਰੱਖੀਏ ਕਾਬੂ ਵਿੱਚ
ਯਾਤਰਾ ਦੌਰਾਨ ਬੇਸ਼ੱਕ ਬੇਸ ਪੈਕਜ ਵਿੱਚ ਰਹਿਣ ਅਤੇ ਆਵਾਜਾਈ ਦੀ ਸਹੂਲਤ ਮਿਲ ਜਾਂਦੀ ਹੈ, ਪਰ ਖਾਣ-ਪੀਣ, ਸਥਾਨਕ ਖਰੀਦਦਾਰੀ ਅਤੇ ਐਂਟਰੀ ਫੀਸ ਲਈ ਵਾਧੂ ਖਰਚਾ ਰੱਖਣਾ ਪੈਂਦਾ ਹੈ। ਆਪਣੇ ਬਜਟ ਨੂੰ ਸੰਤੁਲਿਤ ਰੱਖਣ ਲਈ ਜ਼ਰੂਰੀ ਹੈ ਕਿ ਤੁਸੀਂ ਪਹਿਲਾਂ ਹੀ ਪੈਕਜ ਦੀਆਂ ਸਾਰੀਆਂ ਸ਼ਰਤਾਂ ਅਤੇ ਸ਼ਾਮਲ ਸਹੂਲਤਾਂ ਦੀ ਚੰਗੀ ਤਰ੍ਹਾਂ ਜਾਂਚ ਕਰ ਲਵੋ ਤਾਂ ਜੋ ਬਾਅਦ ਵਿੱਚ ਕੋਈ ਮੁਸ਼ਕਲ ਨਾ ਆਵੇ।
