ਨਿਯਮਿਤ ਹੈਲਥ ਚੈਕਅੱਪ ਦੀ ਮਹੱਤਤਾ
ਅੱਜਕੱਲ੍ਹ ਦੀ ਤੇਜ਼ ਰਫ਼ਤਾਰ ਜ਼ਿੰਦਗੀ ਵਿੱਚ ਲੋਕ ਆਪਣੀ ਸਿਹਤ ਨੂੰ ਅਕਸਰ ਨਜ਼ਰਅੰਦਾਜ਼ ਕਰ ਦਿੰਦੇ ਹਨ। ਛੋਟੀਆਂ ਸਮੱਸਿਆਵਾਂ ਨੂੰ ਅਣਡਿੱਠਾ ਕਰਨਾ ਕਈ ਵਾਰ ਗੰਭੀਰ ਬਿਮਾਰੀਆਂ ਦਾ ਕਾਰਨ ਬਣ ਸਕਦਾ ਹੈ।
ਡਾਕਟਰਾਂ ਦਾ ਕਹਿਣਾ ਹੈ ਕਿ ਸਮੇਂ-ਸਮੇਂ ‘ਤੇ ਕੁਝ ਜ਼ਰੂਰੀ ਟੈਸਟ ਕਰਵਾਉਣ ਨਾਲ ਕੈਂਸਰ ਅਤੇ ਦਿਲ ਦੀਆਂ ਬਿਮਾਰੀਆਂ ਵਰਗੀਆਂ ਖ਼ਤਰਨਾਕ ਸਮੱਸਿਆਵਾਂ ਦਾ ਪਤਾ ਲਗਾਇਆ ਜਾ ਸਕਦਾ ਹੈ।
ਬਲੱਡ ਟੈਸਟ
ਬਲੱਡ ਟੈਸਟ ਸਿਹਤ ਦੀ ਜਾਂਚ ਦਾ ਸਭ ਤੋਂ ਆਸਾਨ ਅਤੇ ਮਹੱਤਵਪੂਰਨ ਤਰੀਕਾ ਹੈ। ਇਸ ਨਾਲ ਸਰੀਰ ਵਿੱਚ ਹੋ ਰਹੀਆਂ ਕਈ ਤਰ੍ਹਾਂ ਦੀਆਂ ਗੜਬੜਾਂ ਦਾ ਪਤਾ ਲੱਗ ਸਕਦਾ ਹੈ।
ਇਸ ਟੈਸਟ ਨਾਲ ਐਨੀਮੀਆ, ਡਾਇਬਟੀਜ਼, ਕੋਲੈਸਟ੍ਰੋਲ ਅਤੇ ਲਿਵਰ-ਕਿਡਨੀ ਨਾਲ ਜੁੜੀਆਂ ਸਮੱਸਿਆਵਾਂ ਦੀ ਜਾਣਕਾਰੀ ਮਿਲਦੀ ਹੈ।
ਲਿਪਿਡ ਪ੍ਰੋਫਾਈਲ ਟੈਸਟ
ਲਿਪਿਡ ਪ੍ਰੋਫਾਈਲ ਟੈਸਟ ਦਿਲ ਦੀ ਸਿਹਤ ਨੂੰ ਜਾਂਚਣ ਲਈ ਕੀਤਾ ਜਾਂਦਾ ਹੈ।
ਇਸ ਵਿੱਚ ਸਰੀਰ ਵਿੱਚ ਮੌਜੂਦ ਚੰਗੇ ਅਤੇ ਖ਼ਰਾਬ ਕੋਲੈਸਟ੍ਰੋਲ ਦੀ ਮਾਤਰਾ ਦੀ ਜਾਂਚ ਕੀਤੀ ਜਾਂਦੀ ਹੈ। ਜੇ ਕੋਲੈਸਟ੍ਰੋਲ ਵਧ ਜਾਵੇ ਤਾਂ ਦਿਲ ਦੀਆਂ ਬਿਮਾਰੀਆਂ ਦਾ ਖ਼ਤਰਾ ਵਧ ਜਾਂਦਾ ਹੈ।
ਕੈਂਸਰ ਸਕ੍ਰੀਨਿੰਗ ਟੈਸਟ
ਕੈਂਸਰ ਦਾ ਸਮੇਂ ‘ਤੇ ਪਤਾ ਲੱਗਣਾ ਇਲਾਜ ਲਈ ਬਹੁਤ ਜ਼ਰੂਰੀ ਹੁੰਦਾ ਹੈ।
ਮਹਿਲਾਵਾਂ ਲਈ ਪੈਪ ਸਮੀਅਰ ਅਤੇ ਮੈਮੋਗ੍ਰਾਫੀ ਟੈਸਟ ਕਰਵਾਉਣਾ ਲਾਭਦਾਇਕ ਹੈ, ਜਦਕਿ ਪੁਰਸ਼ਾਂ ਲਈ PSA ਟੈਸਟ ਦੀ ਸਲਾਹ ਦਿੱਤੀ ਜਾਂਦੀ ਹੈ।
ਸ਼ੁਗਰ ਟੈਸਟ
ਡਾਇਬਟੀਜ਼ ਦੀ ਸਮੱਸਿਆ ਤੇਜ਼ੀ ਨਾਲ ਵਧ ਰਹੀ ਹੈ। ਸਮੇਂ ‘ਤੇ ਸ਼ੁਗਰ ਟੈਸਟ ਕਰਵਾਉਣ ਨਾਲ ਇਸ ਬਿਮਾਰੀ ਨੂੰ ਕੰਟਰੋਲ ਕਰਨਾ ਆਸਾਨ ਹੋ ਜਾਂਦਾ ਹੈ।
ਫਾਸਟਿੰਗ ਬਲੱਡ ਸ਼ੁਗਰ ਅਤੇ HbA1c ਟੈਸਟ ਇਸ ਦੀ ਜਾਂਚ ਲਈ ਕੀਤੇ ਜਾਂਦੇ ਹਨ।
ECG ਅਤੇ ਸਟ੍ਰੈਸ ਟੈਸਟ
ECG ਅਤੇ ਸਟ੍ਰੈਸ ਟੈਸਟ ਦਿਲ ਦੀ ਕਾਰਗੁਜ਼ਾਰੀ ਬਾਰੇ ਜਾਣਕਾਰੀ ਦਿੰਦੇ ਹਨ।
ਇਨ੍ਹਾਂ ਟੈਸਟਾਂ ਨਾਲ ਦਿਲ ਦੀ ਧੜਕਨ ਅਤੇ ਖ਼ੂਨ ਦੇ ਪ੍ਰਵਾਹ ਦੀ ਸਥਿਤੀ ਦਾ ਪਤਾ ਲੱਗਦਾ ਹੈ, ਜਿਸ ਨਾਲ ਹਾਰਟ ਅਟੈਕ ਦਾ ਖ਼ਤਰਾ ਸਮੇਂ ‘ਤੇ ਪਤਾ ਲੱਗ ਸਕਦਾ ਹੈ।
ਸਿਹਤਮੰਦ ਜੀਵਨਸ਼ੈਲੀ ਅਪਣਾਓ
ਡਾਕਟਰਾਂ ਦੇ ਅਨੁਸਾਰ ਸਿਹਤਮੰਦ ਖ਼ੁਰਾਕ, ਨਿਯਮਿਤ ਵਰਜ਼ਿਸ਼, ਤਣਾਅ ਘਟਾਉਣਾ ਅਤੇ ਧੂਮਰਪਾਨ ਤੋਂ ਦੂਰ ਰਹਿਣਾ ਵੀ ਬਿਮਾਰੀਆਂ ਤੋਂ ਬਚਾਅ ਲਈ ਬਹੁਤ ਜ਼ਰੂਰੀ ਹੈ।
