FAU-G: Domination ਵਿੱਚ ਸੀਜ਼ਨ 4 ਦੀ ਨਵੀਂ ਅਪਡੇਟ ਨਾਲ ਸ਼ਾਨਦਾਰ ਐਕਸ਼ਨ
ਡਾਟ9 ਗੇਮਜ਼ (Dot9 Games) ਦੁਆਰਾ ਤਿਆਰ ਕੀਤੀ ਗਈ ਭਾਰਤੀ ਟਰੈਕਟਿਕਲ ਸ਼ੂਟਰ ਗੇਮ ‘FAU-G: Domination’ ਦਾ ਸੀਜ਼ਨ 4 ਅਧਿਕਾਰਤ ਤੌਰ ‘ਤੇ ਲਾਈਵ ਹੋ ਗਿਆ ਹੈ। ਇਸ ਨਵੀਂ ਅਪਡੇਟ ਨਾਲ ਗੇਮਰਜ਼ ਲਈ ਗੇਮਪਲੇ ਵਿੱਚ ਕਈ ਵੱਡੇ ਬਦਲਾਅ ਕੀਤੇ ਗਏ ਹਨ, ਜਿਸ ਵਿੱਚ ਨਵੇਂ ਸ਼ੂਟਿੰਗ ਮੋਡ, ਸ਼ਕਤੀਸ਼ਾਲੀ ਪਾਵਰ-ਅੱਪਸ, ਨਵੇਂ ਹਥਿਆਰਾਂ ਦੀਆਂ ਸਕਿਨਾਂ ਅਤੇ ਇੱਕ ਵਿਸ਼ੇਸ਼ ਆਪਰੇਟਿਵ ਕੈਰੇਕਟਰ ਸ਼ਾਮਲ ਹੈ।
ਨਵਾਂ ਪਲੇਅਬਲ ਕੈਰੇਕਟਰ: ‘ਨਿਸ਼ਠਾ’ ਦੀ ਹੋਈ ਐਂਟਰੀ
ਸੀਜ਼ਨ 4 ਵਿੱਚ ‘ਨਿਸ਼ਠਾ’ ਨਾਂ ਦੇ ਨਵੇਂ ਕੈਰੇਕਟਰ ਨੂੰ ਪੇਸ਼ ਕੀਤਾ ਗਿਆ ਹੈ, ਜੋ ਨੇਪਾਲ-ਭਾਰਤ ਸਰਹੱਦ ਦੇ ਪਹਾੜੀ ਖੇਤਰ ਦੀ ਰਹਿਣ ਵਾਲੀ ਹੈ। ਗੇਮ ਦੀ ਕਹਾਣੀ ਅਨੁਸਾਰ, ਗੋਰਖਾ ਰੈਜੀਮੈਂਟ ਵਿੱਚ ਉਸਦੀ ਸ਼ਾਨਦਾਰ ਬਹਾਦਰੀ ਅਤੇ ਤਕਨੀਕੀ ਯੋਗਤਾ ਨੂੰ ਦੇਖਦੇ ਹੋਏ ਕਰਨਲ ਢਿੱਲੋਂ ਨੇ ਉਸਨੂੰ FAU-G ਸਕੁਐਡ ਵਿੱਚ ਸ਼ਾਮਲ ਕੀਤਾ ਹੈ। ਨਿਸ਼ਠਾ ਦੀਆਂ ਵਿਸ਼ੇਸ਼ ਲੜਾਕੂ ਯੋਗਤਾਵਾਂ ਮੈਦਾਨ-ਏ-ਜੰਗ ਵਿੱਚ ਖਿਡਾਰੀਆਂ ਨੂੰ ਰਣਨੀਤਕ ਬੜ੍ਹਤ ਦਿਵਾਉਣ ਵਿੱਚ ਮਦਦ ਕਰਨਗੀਆਂ।
4v4 ਕੰਪੀਟੀਟਿਵ ਮੋਡ ਅਤੇ ‘FAU-G ਵੀਰ ਸੰਗਰਾਮ’ ਟੂਰਨਾਮੈਂਟ
ਸੀਜ਼ਨ 4 ਦੇ ਨਾਲ ਹੀ ਗੇਮ ਵਿੱਚ 4v4 ਟੀਮ ਡੈੱਥਮੈਚ (TDM) ਨੂੰ ਮੁੱਖ ਪ੍ਰਤੀਯੋਗੀ ਪ੍ਰਣਾਲੀ ਵਜੋਂ ਸ਼ਾਮਲ ਕੀਤਾ ਗਿਆ ਹੈ। ਇਸ ਮੋਡ ਵਿੱਚ ਟੀਮਾਂ 5 ਮਿੰਟ ਦੇ ਸਮੇਂ ਅੰਦਰ ਸਭ ਤੋਂ ਪਹਿਲਾਂ 40 ਕਿੱਲ ਪੂਰੇ ਕਰਨ ਲਈ ਆਹਮੋ-ਸਾਹਮਣੇ ਹੋਣਗੀਆਂ। ਇਸ ਤੋਂ ਇਲਾਵਾ, ਗੇਮ ਦਾ ਪਹਿਲਾ ਸਕੁਐਡ-ਬੇਸਡ ਟੂਰਨਾਮੈਂਟ ‘FAU-G ਵੀਰ ਸੰਗਰਾਮ’ (FVS) ਵੀ ਸ਼ੁਰੂ ਕੀਤਾ ਗਿਆ ਹੈ, ਜਿਸ ਵਿੱਚ ਖਿਡਾਰੀਆਂ ਦੇ ਹੈੱਡਸ਼ਾਟ ਐਕੁਰੇਸੀ, KDA ਰੇਸ਼ੋ ਅਤੇ ਟੀਮ ਯੋਗਦਾਨ ਦੇ ਆਧਾਰ ‘ਤੇ ਰੈਂਕਿੰਗ ਦਿੱਤੀ ਜਾਵੇਗੀ।
ਨਵਾਂ RC ਬੰਬ ਪਾਵਰ-ਅੱਪ ਅਤੇ ਭਾਰਤ ਪਾਸ ਦੇ ਸ਼ਾਨਦਾਰ ਰਿਵਾਰਡਜ਼
ਗੇਮ ਵਿੱਚ ਇੱਕ ਨਵਾਂ ‘RC ਬੰਬ’ ਪਾਵਰ-ਅੱਪ ਜੋੜਿਆ ਗਿਆ ਹੈ। ਲਗਾਤਾਰ 4 ਕਿੱਲ (Killstreak) ਪੂਰੇ ਕਰਨ ਤੋਂ ਬਾਅਦ ਖਿਡਾਰੀ 15 ਸੈਕਿੰਡ ਲਈ ਰਿਮੋਟ-ਕੰਟਰੋਲ ਵਾਲੀ ਗੱਡੀ ਨਾਲ ਦੁਸ਼ਮਣਾਂ ‘ਤੇ ਧਮਾਕਾ ਕਰ ਸਕਦੇ ਹਨ। ਇਸ ਦੇ ਨਾਲ ਹੀ ਸੀਜ਼ਨ 4 ਦੇ ਨਵੇਂ ‘ਭਾਰਤ ਪਾਸ’ ਵਿੱਚ ਖਿਡਾਰੀਆਂ ਲਈ 2 ਲੈਜੈਂਡਰੀ ਗਨ ਸਕਿਨਾਂ, ਨਵੇਂ ਅਵਤਾਰ ਅਤੇ ਵਿਸ਼ੇਸ਼ ਰਿਵਾਰਡਜ਼ ਦਿੱਤੇ ਗਏ ਹਨ।
