ਟਾਟਾ ਟਿਗੋਰ ਦੀ ਹੋਵੇਗੀ ਛੁੱਟੀ, ਨਵੇਂ ਨਾਂ ‘Tata Aeris’ ਨਾਲ ਆਵੇਗੀ ਸੇਡਾਨ
ਭਾਰਤ ਦੀ ਪ੍ਰਮੁੱਖ ਵਾਹਨ ਨਿਰਮਾਤਾ ਕੰਪਨੀ ਟਾਟਾ ਮੋਟਰਜ਼ (Tata Motors) ਆਪਣੀ ਲੋਕਪ੍ਰਿਯ ਸਬ-ਕੰਪੈਕਟ ਸੇਡਾਨ ਟਿਗੋਰ (Tigor) ਨੂੰ ਇੱਕ ਬਿਲਕੁਲ ਨਵੇਂ ਅਵਤਾਰ ਵਿੱਚ ਲਾਂਚ ਕਰਨ ਲਈ ਤਿਆਰ ਹੈ। ਕੰਪਨੀ 25 ਸਤੰਬਰ 2026 ਨੂੰ Tata Aeris ਨਾਂ ਦੀ ਨਵੀਂ ਸੇਡਾਨ ਕਾਰ ਭਾਰਤੀ ਬਾਜ਼ਾਰ ਵਿੱਚ ਉਤਾਰਨ ਜਾ ਰਹੀ ਹੈ। ਮਾਮੂਲੀ ਫੇਸਲਿਫਟ ਦੇਣ ਦੀ ਬਜਾਏ, ਟਾਟਾ ਨੇ ‘TATA AERIS’ ਨਾਂ ਦਾ ਨਵਾਂ ਟ੍ਰੇਡਮਾਰਕ ਰਜਿਸਟਰ ਕਰਵਾ ਕੇ ਗੱਡੀ ਨੂੰ ਨਵੀਂ ਪਛਾਣ ਦਿੱਤੀ ਹੈ। ਇਸ ਬਦਲਾਅ ਦਾ ਮੁੱਖ ਮਕਸਦ ਬਾਜ਼ਾਰ ਵਿੱਚ ਮਾਰੂਤੀ ਸੁਜ਼ੂਕੀ ਡਿਜ਼ਾਇਰ (Maruti Dzire), ਹੁੰਡਈ ਔਰਾ (Hyundai Aura) ਅਤੇ ਹੋਂਡਾ ਅਮੇਜ਼ (Honda Amaze) ਵਰਗੀਆਂ ਗੱਡੀਆਂ ਨੂੰ ਕਰੜੀ ਟੱਕਰ ਦੇਣਾ ਹੈ।
ਨਵਾਂ ਆਕਰਸ਼ਕ ਡਿਜ਼ਾਈਨ ਅਤੇ ਹਾਈ-ਟੈਕ ਕੇਬਿਨ ਫੀਚਰਸ
ਟਾਟਾ ਐਰੀਸ (Tata Aeris) ਦੇ ਡਿਜ਼ਾਈਨ ਵਿੱਚ ਕਾਫ਼ੀ ਵੱਡੇ ਬਦਲਾਅ ਕੀਤੇ ਗਏ ਹਨ। ਗੱਡੀ ਦੇ ਫਰੰਟ ਵਿੱਚ ਨਵੀਂ ਗ੍ਰਿਲ, ਤਿੱਖੀਆਂ ਐਲ.ਈ.ਡੀ. ਹੈੱਡਲਾਈਟਾਂ, ਐਲ.ਈ.ਡੀ. ਡੀ.ਆਰ.ਐੱਲ. (DRL) ਅਤੇ ਨਵੇਂ ਫੌਗ ਲੈਂਪ ਦਿੱਤੇ ਗਏ ਹਨ। ਪਿੱਛੇ ਵਾਲੇ ਪਾਸੇ ਨਵੇਂ ਡਿਜ਼ਾਈਨ ਦੀਆਂ ਐਲ.ਈ.ਡੀ. ਟੇਲ-ਲਾਈਟਾਂ ਅਤੇ ਸਪੋਰਟੀ ਬੰਪਰ ਸ਼ਾਮਲ ਹਨ। ਕੇਬਿਨ ਦੇ ਅੰਦਰ, ਨਵੀਂ ਐਰੀਸ ‘ਚ ਦੋ ਵੱਡੀਆਂ ਸਕ੍ਰੀਨਾਂ ਵਾਲਾ ਆਧੁਨਿਕ ਡੈਸ਼ਬੋਰਡ ਮਿਲੇਗਾ, ਜਿਸ ਵਿੱਚ ਇੱਕ ਵੱਡਾ ਇਨਫੋਟੇਨਮੈਂਟ ਟੱਚਸਕ੍ਰੀਨ ਅਤੇ ਫੁੱਲ ਡਿਜੀਟਲ ਡਰਾਈਵਰ ਡਿਸਪਲੇਅ ਹੋਵੇਗਾ। ਇਸ ਤੋਂ ਇਲਾਵਾ ਆਟੋਮੈਟਿਕ ਕਲਾਈਮੇਟ ਕੰਟਰੋਲ ਅਤੇ ਨਵੇਂ ਕਲਰ ਆਪਸ਼ਨ ਵੀ ਦਿੱਤੇ ਜਾਣਗੇ।
ਦਮਦਾਰ ਇੰਜਣ ਅਤੇ ਸੀਐੱਨਜੀ ਆਟੋਮੈਟਿਕ ਗੇਅਰਬਾਕਸ
ਇੰਜਣ ਦੀ ਗੱਲ ਕਰੀਏ ਤਾਂ Tata Aeris ਵਿੱਚ 1.2-ਲੀਟਰ, 3-ਸਿਲੰਡਰ ਰੇਵੋਟ੍ਰੋਨ ਪੈਟਰੋਲ ਇੰਜਣ ਮਿਲੇਗਾ ਜੋ ਲਗਭਗ 84 bhp ਦੀ ਪਾਵਰ ਅਤੇ 113 Nm ਦਾ ਟਾਰਕ ਪੈਦਾ ਕਰਦਾ ਹੈ। ਇਹ ਗੱਡੀ 5-ਸਪੀਡ ਮੈਨੂਅਲ ਅਤੇ ਏ.ਐੱਮ.ਟੀ. (AMT) ਆਟੋਮੈਟਿਕ ਗੇਅਰਬਾਕਸ ਨਾਲ ਉਪਲਬਧ ਹੋਵੇਗੀ। ਇਸ ਤੋਂ ਇਲਾਵਾ, ਟਾਟਾ ਆਪਣੀ ਪ੍ਰਸਿੱਧ ‘ਟਵਿਨ-ਸਿਲੰਡਰ iCNG’ ਤਕਨਾਲੋਜੀ ਵੀ ਐਰੀਸ ਵਿੱਚ ਪੇਸ਼ ਕਰੇਗਾ, ਜੋ ਮੈਨੂਅਲ ਅਤੇ ਆਟੋਮੈਟਿਕ ਦੋਵਾਂ ਵਿਕਲਪਾਂ ਵਿੱਚ ਆਵੇਗੀ। ਸੀਐੱਨਜੀ ਆਟੋਮੈਟਿਕ ਵੇਰੀਐਂਟ ਗਾਹਕਾਂ ਨੂੰ ਬਿਹਤਰ ਮਾਈਲੇਜ ਦੇ ਨਾਲ-ਨਾਲ ਬਿਨਾਂ ਕਲੱਚ ਦੇ ਸ਼ਹਿਰੀ ਡਰਾਈਵਿੰਗ ਦਾ ਵਧੀਆ ਅਨੁਭਵ ਦੇਵੇਗਾ।
ਬਾਜ਼ਾਰ ‘ਚ ਕੀਮਤ ਅਤੇ ਭਵਿੱਖ ਦੀਆਂ ਯੋਜਨਾਵਾਂ
ਭਾਰਤੀ ਬਾਜ਼ਾਰ ਵਿੱਚ ਟਾਟਾ ਐਰੀਸ ਦੀ ਸੰਭਾਵਿਤ ਐਕਸ-ਸ਼ੋਰੂਮ ਕੀਮਤ 5.49 ਲੱਖ ਰੁਪਏ ਤੋਂ 8.83 ਲੱਖ ਰੁਪਏ ਦੇ ਵਿਚਕਾਰ ਹੋਣ ਦੀ ਉਮੀਦ ਹੈ। ਟਾਟਾ ਦੀ 5-ਸਟਾਰ ਸੁਰੱਖਿਆ ਰੇਟਿੰਗ ਪਰੰਪਰਾ ਦੇ ਨਾਲ ਇਹ ਗੱਡੀ ਪਰਿਵਾਰਕ ਗਾਹਕਾਂ ਲਈ ਇੱਕ ਬਿਹਤਰ ਵਿਕਲਪ ਬਣੇਗੀ। ਕੰਪਨੀ ਭਵਿੱਖ ਵਿੱਚ ਇਸ ਦਾ ਆਲ-ਇਲੈਕਟ੍ਰਿਕ ਵਰਜ਼ਨ (Tata Aeris EV) ਵੀ ਲਾਂਚ ਕਰਨ ਦੀ ਯੋਜਨਾ ਬਣਾ ਰਹੀ ਹੈ।
