ਭਾਰਤ ਵਿੱਚ ਬੈਂਕਿੰਗ ਨਾਲ ਸਬੰਧਿਤ ਇੱਕ ਵੱਡਾ ਬਦਲਾਅ 1 ਅਪ੍ਰੈਲ 2026 ਤੋਂ ਲਾਗੂ ਹੋਣ ਜਾ ਰਿਹਾ ਹੈ। HDFC ਬੈਂਕ ਅਤੇ ਪੰਜਾਬ ਨੈਸ਼ਨਲ ਬੈਂਕ (PNB) ਨੇ ATM ਕੈਸ਼ ਨਿਕਾਸੀ ਅਤੇ ਟ੍ਰਾਂਜ਼ੈਕਸ਼ਨ ਨਾਲ ਜੁੜੇ ਨਵੇਂ ਨਿਯਮਾਂ ਦਾ ਐਲਾਨ ਕੀਤਾ ਹੈ।
ਇਨ੍ਹਾਂ ਨਵੇਂ ਨਿਯਮਾਂ ਦਾ ਸਿੱਧਾ ਅਸਰ ਬੈਂਕ ਗਾਹਕਾਂ ’ਤੇ ਪਵੇਗਾ ਕਿਉਂਕਿ ਹੁਣ ATM ਤੋਂ ਪੈਸੇ ਕੱਢਣ ਦੀ ਪ੍ਰਕਿਰਿਆ ਅਤੇ ਮੁਫ਼ਤ ਟ੍ਰਾਂਜ਼ੈਕਸ਼ਨਾਂ ਦੀ ਗਿਣਤੀ ਵਿੱਚ ਤਬਦੀਲੀ ਆ ਰਹੀ ਹੈ। ਬੈਂਕਾਂ ਦਾ ਕਹਿਣਾ ਹੈ ਕਿ ਇਹ ਬਦਲਾਅ ਬੈਂਕਿੰਗ ਸਿਸਟਮ ਵਿੱਚ ਪਾਰਦਰਸ਼ਤਾ ਵਧਾਉਣ ਅਤੇ ਡਿਜ਼ੀਟਲ ਭੁਗਤਾਨ ਨੂੰ ਉਤਸ਼ਾਹਿਤ ਕਰਨ ਲਈ ਕੀਤੇ ਜਾ ਰਹੇ ਹਨ।
ATM ਟ੍ਰਾਂਜ਼ੈਕਸ਼ਨ ਨਿਯਮਾਂ ਵਿੱਚ ਵੱਡਾ ਬਦਲਾਅ
1 ਅਪ੍ਰੈਲ ਤੋਂ ਬਾਅਦ ATM ਤੋਂ ਕੀਤੀਆਂ ਜਾਣ ਵਾਲੀਆਂ ਕੁਝ ਟ੍ਰਾਂਜ਼ੈਕਸ਼ਨਾਂ ਦੀ ਗਿਣਤੀ ਬਦਲ ਜਾਵੇਗੀ।ਹੁਣ ATM ਤੋਂ UPI ਦੇ ਜ਼ਰੀਏ ਕੀਤੀ ਗਈ ਕੈਸ਼ ਨਿਕਾਸੀ ਵੀ ਮੁਫ਼ਤ ਟ੍ਰਾਂਜ਼ੈਕਸ਼ਨ ਲਿਮਿਟ ਵਿੱਚ ਸ਼ਾਮਲ ਕੀਤੀ ਜਾਵੇਗੀ।ਪਹਿਲਾਂ UPI ਕੈਸ਼ ਵਿਡਡਰਾਲ ਨੂੰ ਡੈਬਿਟ ਕਾਰਡ ਟ੍ਰਾਂਜ਼ੈਕਸ਼ਨ ਤੋਂ ਵੱਖਰਾ ਮੰਨਿਆ ਜਾਂਦਾ ਸੀ, ਪਰ ਹੁਣ ਇਹ ਦੋਵੇਂ ਇੱਕੋ ਲਿਮਿਟ ਵਿੱਚ ਗਿਣੇ ਜਾਣਗੇ।
HDFC ਬੈਂਕ ਦੇ ਗਾਹਕਾਂ ਲਈ ਨਵਾਂ ਨਿਯਮ
HDFC ਬੈਂਕ ਨੇ ਆਪਣੇ ਗਾਹਕਾਂ ਲਈ ATM ਵਰਤੋਂ ਦੇ ਨਿਯਮਾਂ ਵਿੱਚ ਤਬਦੀਲੀ ਕੀਤੀ ਹੈ।
ਸੇਵਿੰਗਸ ਅਤੇ ਸੈਲਰੀ ਅਕਾਊਂਟ ਵਾਲੇ ਗਾਹਕਾਂ ਨੂੰ ਮਹੀਨੇ ਵਿੱਚ ਆਪਣੇ ਬੈਂਕ ਦੇ ATM ਤੋਂ 5 ਮੁਫ਼ਤ ਟ੍ਰਾਂਜ਼ੈਕਸ਼ਨ ਦੀ ਸਹੂਲਤ ਮਿਲੇਗੀ।
ਜੇ ਇਹ ਲਿਮਿਟ ਪਾਰ ਹੋ ਜਾਂਦੀ ਹੈ ਤਾਂ ਹਰ ਵਾਰ ਪੈਸੇ ਕੱਢਣ ’ਤੇ ₹23 + GST ਚਾਰਜ ਕੀਤਾ ਜਾ ਸਕਦਾ ਹੈ।
ਹੁਣ UPI ਰਾਹੀਂ ATM ਤੋਂ ਕੱਢਿਆ ਗਿਆ ਕੈਸ਼ ਵੀ ਇਸ ਲਿਮਿਟ ਵਿੱਚ ਸ਼ਾਮਲ ਹੋਵੇਗਾ।
PNB ਨੇ ਘਟਾਈ ਡੇਲੀ ਵਿਡਡਰਾਲ ਲਿਮਿਟ
ਪੰਜਾਬ ਨੈਸ਼ਨਲ ਬੈਂਕ ਨੇ ਗਾਹਕਾਂ ਦੀ ਸੁਰੱਖਿਆ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਇੱਕ ਹੋਰ ਵੱਡਾ ਫੈਸਲਾ ਕੀਤਾ ਹੈ।
ਬੈਂਕ ਨੇ ਕੁਝ ਡੈਬਿਟ ਕਾਰਡਾਂ ਦੀ ਰੋਜ਼ਾਨਾ ਕੈਸ਼ ਨਿਕਾਸੀ ਲਿਮਿਟ ਘਟਾ ਦਿੱਤੀ ਹੈ।
ਜਿੱਥੇ ਪਹਿਲਾਂ ਕੁਝ ਕਾਰਡਾਂ ’ਤੇ ₹1 ਲੱਖ ਤੱਕ ਕੈਸ਼ ਕੱਢਣ ਦੀ ਇਜਾਜ਼ਤ ਸੀ, ਹੁਣ ਇਸ ਨੂੰ ਘਟਾ ਕੇ ₹50,000 ਜਾਂ ₹75,000 ਕਰ ਦਿੱਤਾ ਗਿਆ ਹੈ। ਇਹ ਕਦਮ ਕਾਰਡ ਫ੍ਰਾਡ ਅਤੇ ਚੋਰੀ ਤੋਂ ਹੋ ਸਕਦੇ ਨੁਕਸਾਨ ਨੂੰ ਘਟਾਉਣ ਲਈ ਚੁੱਕਿਆ ਗਿਆ ਹੈ।
ATM ਦੇ ਮੁਫ਼ਤ ਟ੍ਰਾਂਜ਼ੈਕਸ਼ਨ ਦੀ ਲਿਮਿਟ
ਮੌਜੂਦਾ ਨਿਯਮਾਂ ਮੁਤਾਬਕ:
-
ਆਪਣੇ ਬੈਂਕ ਦੇ ATM ਤੋਂ ਮਹੀਨੇ ਵਿੱਚ 5 ਮੁਫ਼ਤ ਟ੍ਰਾਂਜ਼ੈਕਸ਼ਨ।
-
ਹੋਰ ਬੈਂਕਾਂ ਦੇ ATM ਤੋਂ: ਮੈਟਰੋ ਸ਼ਹਿਰਾਂ ਵਿੱਚ 3 ਅਤੇ ਨਾਨ-ਮੈਟਰੋ ਸ਼ਹਿਰਾਂ ਵਿੱਚ 5 ਮੁਫ਼ਤ ਟ੍ਰਾਂਜ਼ੈਕਸ਼ਨ ਮਿਲਦੇ ਹਨ।
-
ਇਸ ਤੋਂ ਬਾਅਦ ਹਰ ਟ੍ਰਾਂਜ਼ੈਕਸ਼ਨ ’ਤੇ ਲਗਭਗ ₹23 ਤੱਕ ਚਾਰਜ ਲੱਗ ਸਕਦਾ ਹੈ।
ਬੈਂਕ ਇਹ ਬਦਲਾਅ ਕਿਉਂ ਕਰ ਰਹੇ ਹਨ?
-
ATM ਅਤੇ UPI ਟ੍ਰਾਂਜ਼ੈਕਸ਼ਨਾਂ ਵਿੱਚ ਇੱਕਸਾਰਤਾ ਲਿਆਉਣ ਲਈ।
-
ਬੈਂਕਿੰਗ ਸਿਸਟਮ ਨੂੰ ਹੋਰ ਪਾਰਦਰਸ਼ੀ ਬਣਾਉਣ ਲਈ।
-
ਫ੍ਰਾਡ ਤੋਂ ਬਚਾਅ ਲਈ ਅਤੇ ਡਿਜ਼ੀਟਲ ਭੁਗਤਾਨ ਨੂੰ ਵਧਾਵਾ ਦੇਣ ਲਈ।
ਵਾਧੂ ਚਾਰਜ ਤੋਂ ਕਿਵੇਂ ਬਚਿਆ ਜਾ ਸਕਦਾ ਹੈ?
-
ਛੋਟੀਆਂ ਖਰੀਦਾਂ ਲਈ UPI ਜਾਂ ਡਿਜ਼ੀਟਲ ਪੇਮੈਂਟ ਵਰਤੋ।
-
ਵਾਰ-ਵਾਰ ATM ਤੋਂ ਪੈਸੇ ਕੱਢਣ ਦੀ ਬਜਾਏ ਇੱਕ ਵਾਰ ਵੱਧ ਰਕਮ ਕੱਢੋ।
-
ਆਪਣੀ ਮਾਸਿਕ ਟ੍ਰਾਂਜ਼ੈਕਸ਼ਨ ਲਿਮਿਟ ਚੈੱਕ ਕਰੋ।
