ਵਾਹਨ ਮਾਲਕਾਂ ਲਈ ਰਹਤ ਭਰੀ ਖ਼ਬਰ
ਦਿੱਲੀ ਸਰਕਾਰ ਨੇ ਵੱਡਾ ਫੈਸਲਾ ਲਿਆ ਹੈ — ਹੁਣ 10 ਸਾਲ ਪੁਰਾਣੀਆਂ ਡੀਜ਼ਲ ਕਾਰਾਂ ਅਤੇ 15 ਸਾਲ ਪੁਰਾਣੀਆਂ ਪੈਟਰੋਲ ਕਾਰਾਂ ਦੇ ਮਾਲਕ ਕਿਸੇ ਵੀ ਸਮੇਂ NOC ਲਈ ਅਰਜ਼ੀ ਦੇ ਸਕਣਗੇ। ਪਹਿਲਾਂ ਇਹ ਸੀਮਾ ਸਿਰਫ਼ ਇੱਕ ਸਾਲ ਦੀ ਸੀ।
ਪੁਰਾਣਾ ਨਿਯਮ ਕੀ ਸੀ?
‘Guidelines of Handling and End of Life Vehicles in Delhi, 2024’ ਦੇ ਅਧੀਨ, ਜਦੋਂ ਵਾਹਨ ਦਾ ਰਜਿਸਟ੍ਰੇਸ਼ਨ ਰੱਦ ਹੁੰਦਾ ਸੀ, ਤਾਂ ਮਾਲਕ ਨੂੰ ਇੱਕ ਸਾਲ ਦੇ ਅੰਦਰ NOC ਲਈ ਅਰਜ਼ੀ ਦੇਣੀ ਪੈਂਦੀ ਸੀ।
ਜੇਕਰ ਉਹ ਸਮੇਂ ਤੇ ਅਰਜ਼ੀ ਨਾ ਦਿੰਦਾ, ਤਾਂ ਉਹ ਆਪਣੀ ਗੱਡੀ ਨਾ ਵੇਚ ਸਕਦਾ ਸੀ ਤੇ ਨਾ ਹੀ ਸਕ੍ਰੈਪ ਕਰਵਾ ਸਕਦਾ ਸੀ। ਇਸ ਕਾਰਨ ਹਜ਼ਾਰਾਂ ਗੱਡੀਆਂ ਦਿੱਲੀ ਵਿੱਚ ਫਸੀਆਂ ਪਈਆਂ ਸਨ।
ਹੁਣ ਕੀ ਬਦਲਿਆ ਹੈ?
ਹੁਣ ਸਰਕਾਰ ਨੇ ਇੱਕ ਸਾਲ ਦੀ ਸੀਮਾ ਪੂਰੀ ਤਰ੍ਹਾਂ ਹਟਾ ਦਿੱਤੀ ਹੈ। ਹੁਣ ਮਾਲਕ ਕਦੇ ਵੀ NOC ਲਈ ਅਰਜ਼ੀ ਦੇ ਸਕਦੇ ਹਨ। ਇਸ ਨਾਲ ਪੁਰਾਣੀਆਂ ਡੀਜ਼ਲ ਤੇ ਪੈਟਰੋਲ ਗੱਡੀਆਂ ਹੋਰ ਰਾਜਾਂ ਵਿੱਚ ਰੀ-ਰਜਿਸਟ੍ਰੇਸ਼ਨ, ਟ੍ਰਾਂਸਫਰ ਜਾਂ ਵਿਕਰੀ ਲਈ ਯੋਗ ਹੋ ਗਈਆਂ ਹਨ।
ਸਰਕਾਰ ਦਾ ਕਹਿਣਾ ਹੈ
ਦਿੱਲੀ ਦੇ ਟ੍ਰਾਂਸਪੋਰਟ ਮੰਤਰੀ ਡਾ. ਪੰਕਜ ਕੁਮਾਰ ਸਿੰਘ ਨੇ ਕਿਹਾ ਕਿ ਇਹ ਫੈਸਲਾ ਲੋਕਾਂ ਨੂੰ ਸੁਵਿਧਾ ਦੇਣ ਲਈ ਲਿਆ ਗਿਆ ਹੈ। “ਹੁਣ ਲੋਕ ਆਪਣੀਆਂ ਪੁਰਾਣੀਆਂ ਗੱਡੀਆਂ ਆਸਾਨੀ ਨਾਲ ਦਿੱਲੀ ਤੋਂ ਬਾਹਰ ਲੈ ਜਾ ਸਕਣਗੇ। ਇਸ ਨਾਲ ਟ੍ਰੈਫਿਕ ਅਤੇ ਪ੍ਰਦੂਸ਼ਣ ਦੋਵੇਂ ਘਟਣਗੇ,” ਉਨ੍ਹਾਂ ਕਿਹਾ।
ਨਵੇਂ ਨਿਯਮ ਦੇ ਫਾਇਦੇ
-
ਪੁਰਾਣੀਆਂ ਗੱਡੀਆਂ ਨੂੰ ਵੇਚਣਾ ਜਾਂ ਟ੍ਰਾਂਸਫਰ ਕਰਨਾ ਹੋਵੇਗਾ ਆਸਾਨ
-
ਦਿੱਲੀ ਦੀਆਂ ਸੜਕਾਂ ‘ਤੇ ਖੜੀਆਂ ਬੇਕਾਰ ਗੱਡੀਆਂ ਘਟਣਗੀਆਂ
-
ਸਕ੍ਰੈਪ ਤੋਂ ਇਲਾਵਾ ਹੁਣ ਵਿਕਰੀ ਦਾ ਵਿਕਲਪ ਵੀ
-
ਪ੍ਰਦੂਸ਼ਣ ਅਤੇ ਟ੍ਰੈਫਿਕ ਦੋਵੇਂ ਘਟਣ ਦੀ ਉਮੀਦ
